Moritat D' Föhratpoint

Kopfinger Moritat

(Gesungen von Katharina Parzer vom Burmanngut in Diersbach - wortwörtlich niedergeschrieben von Franziska Körner im Jahr 1932)

Ih han ma(r) schaon mein Lebta(g) vül hundert Tánz 'dich't,

aber net gleih amal so a Raubmördergschicht.

Vül Leut wer(d)n's net wissn - was i bring, das ist wahr -,

a Raubmord hat sih zuatragn in der Kopfinger Pfarr.

Der Kerschbaumer Johann is als Mörder bescchriebn;

weil eahm 's Geld allweil zweng wird, drum hat der das triebm.

Aufs Gföhra-Pointhäusl hat er lang spekuliert,

wia er's ausraubt udn plündert und s'Wei(b') massakriert.

An sechstn April fallt der Palmsunnda ein,

da denkt sih der Mörder: Heut muaß's amal sein!

Net weit wegga van Häusl paßt der Mörder schaon auf:

Wann der Mann geht in d'Kira, aft kimmst ma(r) net aus!

Wia der Mann geht in d'Kira, geht er zuwi zan Haus

und schreit: "Eichinger Rosl, sei so guat, mach ma(r) auf!"

Sie hat koan Gedanga, weil s'n lang so guat kennt,

macht eahm auf voller Freud - und das is sein letztes End!

Wia s' ins Vaorhaus san kemma, packt er s' hint ban Genick,

und so fest hat er s' gworfn, daß koan Laut nimmer gibt,

Mit an schwárn Instrument hat er s' fürchterlih schlagen

und aft mit an Messer de Gurgl durchfahrn,

Aft schaut er auf d'Uhr, ob er Zeit hat dazua,

daß der Raubmord vollendt, eh de Kiraleut gehnd.

Alle Kastn und Türn bricht der Raubörder ein,

da derwischt er achtg Guldn in der Scheinbladern drein.

Er is hint ban Taor aus - und so fein packt er's an,

daß koa Mensch net leicht drafkimmt, wer d' Mordtat hat tan.

Iatzt habm ma(r) koan Mörder, woaß koa Mensch nix davaon,

redn vüle Leut z'Kopfing: "Hat's der Hausblaur tan."

Is a Vater va siebm Kin(d)er, geht eahm allweil hübsch sper,

hat koa Muatter zan Kin(d)ern, drum beschuldigt ma eahm.

Er muaß d'Kin(d)er verlassn, so laut't der Befehl;

dreißg Tag is er gsessn drin in Englhartszell.

Er bitt't oft unsern Herrgott zwegn der Kin(d)er dahoam,

daß sein U(n)schuldigkeit bald an d'Tagliachtn kaam.

Gott erhört ah sein Bittn; wia de dreißg Tag san aus,

kimmt der Mörder per Zuafall durhis Silbergeld auf.

Der Xandl Pum - Schleifer, den des Ding schaon auffallt,

daß der Kerschberger d'Bierzech mit an Frauntaler zahlt.

Ba der Gendarmerie zoagt's der Pum Xandl an:

Solln an Kerschberger suacha, hat's sunst eh koaner tan.

Va da Arácht habm s'n wegga, aft kimmt er af Riad.

"An strick um an Hals!" habm eahm d'Richter diktiert.

Der Kaiser hat'n begnadigt, gibt eahm, glaub ih, zwoanzg Jahr;

wird gwiß ünter dera Zeit eh mit eahm gar.

Der ander ist entlassn va den fürchterligm Schmerz

und druckt seine siebm Kin(d)er an sein u(n)schuldigs Herz.

Eine Moritat war eine Schauerballade.

• Moritatensänger im Wirtshaus oder auf Kirtagen trugen oder sangen Moritaten vor.
• Der Gesang nach einer einfachen Melodie (meist Gstanzl-Melodie) ließ auch die Verwendung teilweiser unreiner Reime - wie bei Volksliedern - zu. 
• Und wie bei Volksliedern sind die Dichter unbekannt ... 
• Der Zweck war die Unterhaltung der Zuhörer wie die Befriedigung der Sensationslust; so wurde der Kern gerne mit erfundenen pikanten Details und bekannten Namen ausgeschmückt.
• Diese schaurigen Gesänge erzählten von Untaten und schweren Verbrechen. 
• Die Herkunft des Begriffs "Moritat" ist nicht ganz klar: das Grundwort könnte "Mor(d)tat" sein, aber auch von lat. "mores" (Sitten > Sittenlied) kann der Begriff stammen.
• Heute ist die Moritat als Literaturgattung wie als Liedgattung ausgestorben - Bert Brechts Moritat von "Mackie Messer" ist eine der letzten...